Постојаниот претставник на Русија во Обединетите нации Василиј Небензја синоќа ја напушти седницата на Советот за безбедност на ОН, по обвинувањата против Москва упатени од претседателот на Европскиот совет Шарл Мишел.
Според РИА Новости, Мишел се обидел да ја префрли целата одговорност за глобалната криза со храна врз Кремљ и ја обвини Русија за блокирање на украинските пристаништа и крадење жито.
Небензја не сакал да го слуша неговиот говор и ја напуштил салата, додека неговиот заменик во ОН, Дмитриј Пољански, го привлече вниманието на „огромното количество неосновани обвинувања од западните партнери“.
– Спротивно на фактите, и Шарл Мишел не обвини дека предизвикуваме криза со храна. Тој зборуваше толку остро што постојаниот претставник на Русија ја напушти салата. Неверојатно е колку се деградирани Европската Унија и нејзините лидери, напиша Пољански на Телеграм.
