Рускиот претседател Владимир Путин незгодно стоеше во соба пред толпата новинари додека чекаше да се сретне со неговиот турски колега Реџеп Таип Ердоган.
Видеото снимено пред состанокот во вторник во Техеран го покажува Путин како се нервира, ја префрла тежината од нога на нога и прави серија гримаси пред камерите речиси цела минута пред Ердоган конечно да дојде да го поздрави.
Тоа беше непозната територија за рускиот лидер, кој има стекнато репутација светските лидери да го чекаат него, намерно, понекогаш и неколку часа откако треба да започнат закажаните разговори.
Некои шпекулираа дека можеби станува збор за одмазда за средбата во Москва во 2020 година, каде Ердоган толку долго чекаше да влезе во салата за состаноци што седна. Новинарите го фатија моментот кога Путин влезе во собата во вторникот, очекувајќи дека Ердоган брзо ќе го следи неговиот пример. Наместо тоа, тој остана да стои.
Кога виде како Ердоган му приоѓа, малку изнервиран ги крена рацете.
– Овие 50 секунди што Ердоган го натера Путин да чека доволно зборуваат за тоа колку многу се променило од Украина – коментираше на Твитер Џојс Карам, виш дописник на медиумската организација на Блискиот исток National News.
Карам ја нарече ситуацијата „слатка одмазда“ откако Путин го остави турскиот лидер да чека околу две минути пред средбата во 2020 година.
Турските медиуми тогаш објавија дека Ердоган и неговата придружба биле оставени понижени бидејќи биле принудени да чекаат надвор во фоајето, како што се гледа на видеото што го пренесоа руските медиуми.
Некои шпекулираа дека доцнењето на Путин во средбата со меѓународните лидери е калибрирана психолошка политика која датира од раните денови на неговото претседателствување. Во 2003 година Путин задоцни 14 минути да се види со кралицата Елизабета Втора, а една година претходно на гробиштата два часа го чекаа родителите на децата загинати во авионска несреќа.
Путин доцнеше еден час на средбата со папата Франциск во Ватикан во јуни 2015 година, а во 2018 година тогашниот американски претседател Доналд Трамп чекаше 45 минути пред закажаниот самит во Хелсинки со рускиот претседател.
Како што јави Радио Слободна Европа, Ангела Меркел чекала четири часа и 15 минути за средба со Путин во 2014 година, додека Виктор Јанукович, кога бил украински претседател, еднаш чекал четири часа пред да седне со рускиот лидер.
