Министерството за одбрана на Русија, исто така, соопшти дека нивни проектили уништиле авионска опрема на аеродромот Канатово во централниот украински регион Кировохрад и големо складиште за муниција во јужниот град Миколаев.
Руските сили исто така истрелаа ракети врз објект на железничката инфраструктура во Дњепар, соопшти денеска прес-службата на Украинските железници.
Како што се наведува во соопштението, нема повредени меѓу железничарите, а обемот на штетата ќе се процени по завршувањето на тревогата за воздушен напад, објавија локалните медиуми.
– Руските трупи продолжуваат прецизно да ја напаѓаат железничката инфраструктура. Извршен е уште еден ракетен напад врз железничката инфраструктура во Дњепар, објави компанијата на социјалната мрежа Телеграм.
