Руските сили го нападнаа воениот аеродром Мирхород во регионот Полтава, Украина, што резултираше со извесни загуби, објави Ројтерс.
Руските медиуми претходно објавија снимки од нападот, истакнувајќи дека се уништени 5 воени авиони Су-27, а други 2 се оштетени. На видеото се гледа чад и оган на аеродромот.
„Како резултат на рускиот удар, уништени се 5 активни повеќенаменски борбени авиони СУ-27, а 2 се оштетени“, соопшти руското министерство.
Русија ги гаѓа украинските аеродроми токму во моментот кога Киев се подготвува да го прими првиот американски авион Ф-16 кој Москва вети дека ќе го уништи.
– Тоа беше напад. Има загуби, но не и оние што ги презеде непријателот“, кратко одговори портпаролот на воздухопловните сили, Јуриј Ихнат.
Тој не соопшти детали за претрпената штета. Првичните извештаи за нападот предизвикаа бес на социјалните мрежи, при што некои ги критикуваа воздухопловните сили дека не успеале соодветно да го обезбедат аеродромот и покрај претходните предупредувања за потенцијален напад.
Ихнат се обиде да ја одбрани армијата и ги повика медиумите на умереност, предупредувајќи дека руските извори ги преувеличуваат достигнувањата на Москва „од почетокот на инвазијата“.
– Воздухопловните сили прават сѐ за да му се спротивстават на непријателот, да го измамат, вклучително и со помош на лажни модели и други средства – рече тој.
Нагласи дека украинските аеродроми се под постојана закана од руски ракетни и напади со беспилотни летала.
На 16 март Ихнат беше разрешен од позицијата портпарол, но продолжи да работи во воздухопловните сили. Инаку, Русите веќе извршија интензивен воздушен напад на воениот аеродром Мирхород во јуни минатата година.
