Неколку експлозии се слушнале во текот на ноќта во источниот дел на Крим. Русија тврди дека соборила неколку ракети со долг дострел АТАКМС испратени во Украина од Соединетите Американски Држави. Локалните канали Телеграм објавија серија експлозии во градот Керч во источниот дел на Крим во текот на ноќта. Рускиот независен медиум Астра објави дека во градот се слушнале „околу 20 експлозии“, цитирајќи локални жители.
Руското Министерство за одбрана соопшти дека нејзината воздушна одбрана соборила осум ракети АТАКМС во текот на ноќта над Азовското Море, како и осум беспилотни летала над Црното Море во близина на Крим.
Николај Лукашенко, рускиот министер за транспорт на Крим, изјави дека два ферибота биле оштетени од ракетни шрапнели. Нема жртви, рече тој во изјавата објавена на социјалните мрежи и пренесена од руските државни медиуми. Сообраќајот е привремено запрен преку мостот Керч, вели тој.
Украина објави дека е погоден бродски магацин.
„Ноќта на 30 мај 2024 година, специјалната единица на ГУР на Министерството за одбрана на Украина „Група 13“ со помош на нападни беспилотни летала на украинската морнарица Magura V5 успешно го нападна бродското складиште на Русија во окупираниот Крим“, соопшти Министерството за одбрана.
Од Министерството велат дека уништиле два брода. Тие објавија и видео. Тие додаваат дека Русите реагирале со подигнување на воени авиони и на хеликоптери.
