Тенкови, авиони, ракетни фрлачи. Макети на дуење се користат и во украинската војна, а според проценките на чешката компанија која ја снабдува Украина, Русите трошат добар дел од својата муниција на овие мамки.
Русите се фалат дека масовно ја уништуваат воената опрема што доаѓа во Украина од Запад, а Форбс пишува дека целата приказна можеби е буквално пренадуена.
Чешката компанија „Инфлатех“ за локалните медиуми процени дека веројатно повеќе од една третина од системите ХИМРАС кои Русите тврдат дека ги уништиле, всушност биле нивни надуени макети.
Војтех Фресер од компанијата изјави за чешката телевизија дека Инфлатех произведува 35 гумени макети месечно. Целта на таквите мамки е да ги наведат руските сили да ја трошат својата муниција. Нивните макети се направени од синтетичка свила, а освен ракетни фрлачи, можат да произведат и лажни тенкови и авиони.
Тие имаат уред за загревање на воздухот во нив, па може да се детектираат на инфрацрвени сензори. Нивната цена е неколку десетици илјади долари, што сепак е многу поевтино од неколку милиони, колку што чини вистински тенк.
– Ако немате двоглед, дури и од далечина од 150-200 метри е тешко да се каже дали е вистинско оружје или мамки – вели Фресер.
– Се разбира, повеќе би сакал да произведувам играчки за деца. Но, прво треба да им обезбедиме безбеден свет – заклучува тој.
Тактиките со мамки, се разбира, се користат од двете страни. Форбс потсетува дека Украинците на социјалните мрежи и претходно ги исмеваа Русите за нивните напумпани македи кои брзо се издишуваа.
