Експлозии се слушнале рано утринава во северниот дел на Криви Рих, град во централна Украина. Засега не се познати повеќе детали што ги предизвикало.
Киев Индипендент, исто така, објави дека рано утринава руските сили целеле цистерни со сончогледово масло во Миколаев. Контејнерите полни со нафта подготвени за извоз од пристаништето во Миколаев беа погодени од беспилотни летала камикази. Ова на Фејсбук го објави Дмитро Плетенчук, портпарол на воената администрација на Миколаев. Тој вели дека се предизвикало голем пожар и дека на улиците истекла многу нафта.
Напад на Сума
Пет лица загинаа во рускиот напад на Суми, врз кој вчера беа истрелани повеќе од триста проектили. Уште три ракети го погодија градот синоќа, јавува Нови лист.
„Пет лица загинаа, а 14 се хоспитализирани како резултат на руските напади. Спасувачките операции се во тек“, изјави Дмитро Живицки.
Украинската јужна оперативна команда соопшти дека воздухопловните сили на Украина извршиле 11 воздушни напади врз руските позиции на југот. Тие тврдат дека Русија загубила четири тенкови, два минофрлачи, самоодна хаубица 2С3 Акација, ракетен систем Тор и три оклопни возила.
Шест мртви во Русија
Руски борбен авион удри во станбена зграда во јужниот руски град Јејск во понеделникот веднаш по полетувањето, во инцидент во кој загинаа шест лица, а 19 беа ранети, а шестмина се водат како исчезнати, јави агенцијата Тас, повикувајќи се на локални власти. Јејск, град на самиот југ на Русија, е одделен од окупираната територија во јужна Украина со тесен појас на Азовското Море.
Воениот информативен канал Звезда објави видео на кое се гледаат експлозии во суперсоничен ловец-бомбардер со среден дострел Сухој Су-34 додека паѓа кон зграда. Руските агенции јавија дека пилотите се катапултирале.
Снимката од местото на настанот покажува големи делови од деветкатницата во пламен по ударот на авионот. Локалните власти подоцна објавија дека пожарот е изгаснат.
Гувернерот на регионот Краснодар Вениамин Кондратиев ги негираше локалните извештаи дека авионот бил натоварен со муниција.
„Да беше така, тогаш само половина од зградата ќе беше тука“, им рече тој на новинарите, пренесе агенцијата РИА.
Тренинг лет
Евакуирани се околу 250 луѓе, меѓу кои 40 деца, соопштија властите.
Агенцијата РИА објави дека несреќата се случила за време на тренинг лет од воениот аеродром. Таа се повика на Министерството за одбрана, кое изјави дека пилотите пријавиле дека моторот се запалил при полетување и дека горивото во авионот се запалило кога удрил во зградата.
Државниот истражен комитет кој се занимава со тешки кривични дела соопшти дека отворил кривично дело и испратил инспектори на местото на настанот.
Кремљ соопшти дека претседателот Владимир Путин наредил да им се обезбеди сета потребна помош на жртвите. Наредил и министерот за здравство да полета во регионот.
Инцидентот се случи речиси осум месеци откако Русија испрати свои војници во Украина.
