Олексеј Резников, украинскиот министер за одбрана на Твитер објави видео во кое со сина боја е обележано како напредуваат украинските сили и како ги истиснуваат Русите на југ. Воените аналитичари уште се поделени околу можностите на Украина, но факт е дека во последната недела направен е пробив до околината на клучниот град Херсон, јавува Мондо.
Истовремено, Русите трпат големи загуби, а новите мобилизирани војници допрва треба да се покажат на теренот, иако се смета дека добиле слаба и недоволна обука.
Додека украинскиот претседател Володимир Зеленски кој зборуваше за напредок во десетици градови, министерот Резников пишува дека офанзивата е најдобар одговор за руската анексија.
„Додека рускиот парламент е опиен со залудни обиди за анексија, нашите војници продолжуваат да напредуваат. Ова е најдобриот одговор на сите референдуми, декрети, договори и патетични говори“.
