Министерството за одбрана на Руската Федерација ја повика украинската армија да се предаде, а не да се бори за идеите на нацизмот и да ги гарантира нивните животи, изјави денеска генерал полковник Михаил Мизинцев, началник на Центарот за контрола на националната одбрана на Руската Федерација, пренесува агенцијата РИА Новости. Според планот на руската страна сите активности околу предавањето и заминувањето би требало да завршат до 16 часот.
– Уште еднаш ги повикуваме официјалните власти на Киев да покажат претпазливост, да дадат соодветни инструкции на милитантите да го прекинат бесмислениот отпор и да го напуштат центарот на отпорот. Но, сфаќајќи дека нема да добиваат такви наредби и команди од властите во Киев. ги повикуваме да донесат таква одлука да се предадат денеска во 12.00 часот (московско, а во 11.00 часот по наше време) – рече Мизинчев.
Тој истакна дека оваа итна изјава треба веднаш да се објави и да се достави до Обединетите нации, ОБСЕ, Меѓународниот комитет на Црвениот крст и другите меѓународни организации преку сите достапни извори на информации.
– Не ја тестирајте својата судбина, туку донесете ја единствената правилна одлука веднаш да ги прекинете непријателствата и да го положите оружјето, секаде каде што вашите „куратори“ ве принудуваат да се борите за идеите на нацизмот. Руската Федерација на секој од вас му гарантира зачувување на животот и почитување на сите норми од Женевската конвенција за „постапување со воените заробеници, како што веќе се случи со воениот персонал на вооружените сили на Украина, кои претходно се предадоа во Мариупол – порача генералот.
За спроведување на мерките од следната хуманитарна акција е планиран следниот распоред на акции:
од 13:00 часот (московско време) воспоставена е континуирана комуникација меѓу руската и украинската страна со цел меѓусебна размена на информации;
од 13:30 часот (московско време), милитантите на националистичките баталјони и странските платеници – од една страна, руските вооружени сили заедно со воените формации на Народна Република Доњецк – од друга страна, изјавуваат прекин на огнот и гарантирање на неговото строго почитување. Подигнувањето на знамињата од двете страни укажува на вистинскиот почеток на прекинот на огнот: од руска страна – црвена, од украинска – бела околу периметарот на Азов.
од 14:00 до 16:00 часот (московско време, и од 13:00 до 15:00 часот по наше време) – заминување на сите украински вооружени единици и странски платеници без исклучок, без никакво оружје и муниција.
Покрај тоа, истакна тој, руската страна апелира до сите воени припадници на вооружените сили на Украина и странските платеници „со циничниот однос на властите во Киев, ве очекува незавидна судбина“, пренесува РИА Новости.
Според Министерството за одбрана на Русија, вооружените сили во „операцијата“ ја напаѓаат само воената инфраструктура и украинските војници, а од 25 март ги завршиле главните задачи од првата фаза – значително го намалиле борбениот потенцијал на Украина. Главната цел во рускиот воен оддел се нарекува ослободување на Донбас.
