Откако изгубиле речиси 15.000 борбени возила во првите две години од војната во Украина, Русите очајно почнале да користат поризични и помалку заштитени возила, се вели во објава на Форбс.
Руското производство на нови возила, во комбинација со модернизацијата на старите од складишта, не може да биде во чекор со месечните загуби од над 600 тенкови, борбени возила и оклопни транспортери.
Затоа, навлегувајќи во третата година од војната, руските трупи почнале да се движат во битка со камиони, отворени возила слични на колички за голф, а од неодамна и на мотоцикли. Зголемениот број на незаштитени возила на руската страна на фронтот не значи дека руските војници не можат да ја добијат битката против украинските бригади кои имаат недостиг од муниција и од луѓе.
Сепак, падот на квалитетот на руските возила е уште еден доказ за еден од најголемите предизвици со кои се соочува Кремљ во исцрпувачката војна, за која московските власти тврдеа дека ќе заврши со руска победа за само неколку дена.
Иако Русија останува главна закана на бојното поле, нејзината способност да ги замени изгубените оклопни возила е ограничена, се наведува во објавата на Форбс.
Нападите со мотори се одбиени од украинската страна
Армиите возат мотоцикли повеќе од 100 години, со други зборови, од пронаоѓањето на мотоциклите. Брзите, мобилни и евтини мотоцикли се ефективни за движење на извидниците низ бојното поле. Проблемот за руските војници во 2024 година е што поради недостигот на оклопни и на поголеми цивилни возила, тие директно одат на украинските позиции со своите незаштитени мотоцикли.
– Мотоциклите полека ги заменуваат количките за голф – коментира украинскиот воен дописник Јуриј Бутусов.
Замената на поголемите возила со мотоцикли била скапа. Околу 15 април, 92-та јуришна бригада на Украина одбила напад на руски војници кои налетале на нив со мотоцикли во близина на Бахмут на истокот на земјата.
Три недели подоцна, на 7 мај, 79-та бригада на Украина уништила 8 мотоцикли за време на рускиот напад на Новомихајловка, исто така на исток.
„Русите влегоа во заби“, се пошегувала бригадата на социјалните мрежи.
Во статијата на Форбс е наведен пример за руски мотоцикл со импровизирана приколка за транспорт на неколку војници. Војниците го напуштиле возилото за време на нападот на источниот град Билохоривка, наводно минатата недела.
Руските единици со војници на мотоцикли трпат тешки загуби
И покрај овие загуби, барем една руска единица сѐ уште се заколнува со мотоцикли како јуришни возила. Баталјонот Зарија од 123-та моторизирана бригада на Русија тврди дека нивните мотоцикли се побрзи и помалку забележливи од потешките и побавни оклопни возила. И Русите ги надградуваат своите воени велосипеди, исто како бизарните тенкови желки, со импровизиран оклоп. За да се намали заканата од брзите украински дронови ФПВ, некои руски одреди прикачиле метална мрежа околу нивните мотоцикли.
Украинската 79-та бригада не била импресионирана.
„Нашите дронови не ја ценеле оваа креативност“, објави бригадата на социјалните мрежи по поразот на руската единица на 7 мај.
– Секој мотоциклист е казнет за брзо возење пред да ја мине целта – се пошегувале украинските војници на видеото на кое се прикажани уништени мотоцикли.
