Рускиот портал Риа Новости пишуваше за Србија и нејзиниот претседател Александар Вучиќ на кого му се восхитуваат дека „седи на две столчиња“, односно негува односи и со Европската унија и со Русија.
„Некој витка железо со раце. Некој тренира отровни змии. Српскиот претседател Александар Вучиќ седи на две столчиња одеднаш. Искрено, тој треба да се квалификува за „црн појас“ во овој тип на политички боречки вештини“, пишува Дмитриј Бавирин за Риа Новости.
„Претходно беше казнет поради тоа – и на Запад и во Русија. Одлучете, велат, со кого сте, за нас или за нив, се додека можете да седите на две столчиња“, стои во текстот чиј автор наведува дека Вучиќ заслужува восхит за таквиот став.
Во текстот Србија е опишана како мала, сиромашна земја која е „опкружена од сите страни со историски непријатели и финансиски зависи од Западот, но повеќе од една година се спротивставува на нејзините крајни барања за воведување санкции кон Русија“.
„И како тој се спротивставува – никој навистина не може да разбере. Тоа ги надминува нормалните човечки способности“, се додава.
Бавирин понатаму пишува дека се очекува Србија да ја предаде Русија, па во последните недели се пишуваше дека Србија ја снабдува Украина со оружје (авторот на текстот вели дека тоа се лажни документи), дека Вучиќ одлучил да воведе санкции кон Русија ( што авторот го смета за лажен цитат) и дека Србија ја признала Владата на Косово (авторот наведува дека не се знае на што се базира ова).
„Не може да се каже дека Белград во услови на невидени уцени и притисоци преживеал без загуби и дека во ништо не му попуштил на Западот – тогаш тоа веќе не би било вештина туку магија“, наведува авторот и потсетува дека Србите одбија да купат руски борбени авиони.дека го намалија бројот на летови за Москва и се заканија дека ќе ги гонат граѓаните кои учествувале во воените дејствија во Украина.
„Меѓутоа, засега сето тоа е само зборови и без правна основа. Многу помоќните и побогатите земји во Европа покажуваат многу помала издржливост“, се додава во текстот.
Авторот се осврна и на српската премиерка Ана Брнабиќ, која ја нарекува агент на Сорос „кој го поткопува руско-српското пријателство“, но од една страна ја смирува ЕУ, а од друга страна е „политички апсолутно зависна од Вучиќ и не е способен за автономна кариера“.
Бавирин ја спомена и министерката Рада Баст, која побара воведување санкции против Русија, наведувајќи дека е од сомнително политичко потекло, но дека токму тој „перформанс“ го искористил Вучиќ за да види како „дише системот“ и дека ова е еден од талентите на српскиот претседател.
„Тука нема што да се провери – реакцијата е предвидлива, системот го управува Вучиќ. И (Вучиќ) може да им ги покаже сите овие реакции на европските функционери и да крене раменици и да каже дека „народот е против тоа и што можам да направам против народот“. Теоретски тоа не треба да функционира: не се сите европски функционери будали. Но, тоа функционира“, продолжува тој.
„Акробатот повеќе не седи само на две столчиња, туку буквално жонглира со нив во густ круг хистерични верверички, очекувајќи дека тој ќе се појави. Можеби ќе го направат тоа, се разбира, со твоите молитви. Но, засега, како што вели песната, „засега оставете ја анализата на гревот – и ценете ја убавината на играта“, заклучува Бавирин во текстот за РИА Новости.
