Русите го минирале базенот за ладење во нуклеарната централа

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Предупредување за опасност од висок степен стигна од украинското воено разузнавање заедно со информацијата дека Русија го минирала базенот што се користи за ладење на реакторите во нуклеарната централа Запорожје, окупирана од Русија.

Станува збор за најголемата европска нуклеарна централа, комплекс со шест реактори, која се најде под окупација веднаш по инвазијата на московските сили во февруари минатата година.

Шефот на украинското воено разузнавање Кирило Буданов денеска ја обвини Русија за нападот на нуклеарната централа.

– Најстрашното е што нуклеарната централа Запорожје беше дополнително минирана за тоа време, имено, миниран е базенот за ладење – изјави Буданов, без да обезбеди докази за своето тврдење.

Во меѓувреме, украинското Министерство за одбрана ги отфрли како „ништовни“ руските наводи дека тие би можеле да направат „валкана бомба“.

Министерството истакна дека ваквите предлози, кои во понеделникот ги изнесе шефот на руската служба за надворешни разузнавачки служби СВР, Сергеј Наришкин, за прв пат ги даде Москва минатата година.

Ваквите наводи, оцени украинското Министерство, имаат за цел „да го одвлечат вниманието од јасните порази на окупаторските сили на бојното поле и да сеат недоверба кај западните сојузници на Украина“.

– Ако Русија зборува за „валкана бомба“, нејзината употреба од страна на Русија би можела да биде вистинска закана, заклучува Министерството.

Наришкин ги повика нуклеарното надзорно тело на ОН и Европската Унија да ја проверат украинската нуклеарна активност што, според него, може да сигнализира дека Киев работи на создавање „валкани бомби“.

- Advertisement -
Ad image

Меѓународната агенција за нуклеарна енергија на ОН соопшти дека овој месец известила за трансферот на тоа гориво од Ривино во Чернобил и дека тие движења биле земени предвид.

Share This Article