Руските вооружени сили ја одбија украинската офанзива во правец на јужен Доњецк, соопшти во понеделник руското Министерство за одбрана.Украина започна офанзива со шест механизирани и два тенковски баталјони, објави руското министерство на Телеграм.
Утрото на четврти јуни, непријателот започна голема офанзива во пет сектори на фронтот во правец на јужен Доњецк“, се вели во соопштението.
„Целта на непријателот беше да ги пробие нашите одбранбени линии на, според него, најраниот дел од линијата на фронтот“, се наведува во него. „Непријателот не ги постигна своите цели, не успеа.
Ројтерс не можеше веднаш да ги потврди руските наводи, а Украина не даде веднаш коментар.
Руското министерство објави и видео на кое вели дека се гледаат неколку украински оклопни возила запалени по ударот.
Руските сили убиле 250 украински војници и уништиле 16 тенкови, борбени возила и 21 оклопен транспортер, соопшти руското министерство.
Според објавата на Телеграм, началникот на рускиот воен штаб Валериј Герасимов, командант на руската воена операција во Украина, се наоѓа во областа нападната од украинските сили.
„(Герасимов) беше на една од истакнатите командни позиции“, соопшти Министерството.
Во моментов не е јасно дали наводниот напад претставува долгоочекувана офанзива со која Украина сака да ја врати територијата под руска контрола. Во неделата Киев повика на „молчење“ пред офанзивата, потсетува Ројтерс.
Во последните недели Украина се обиде да ги ослаби руските позиции, а на крајот на мај висок функционер изјави дека прелиминарните операции, како што се уништување на синџирите за снабдување и уништување магацини, веќе започнале.
