Ова беше објавено еден ден по сличен упад на беспилотни летала на руска територија.
„Обидот на Киев да изврши голем напад со беспилотни летала врз инсталации на полуостровот Крим е спречен“, соопшти руското Министерство за одбрана.
Според Министерството, руската противвоздушна одбрана соборила шест украински беспилотни летала, а четири биле деактивирани по електронски пат.
Вчера беше извршен напад со беспилотно летало на руска територија, при што не беше направена никаква штета. За прв пат еден од овие беспилотни летала се урна во московскиот регион. Тројца беа соборени во ноќта од понеделник кон вторник во други региони.
Не е првпат беспилотни летала да го напаѓаат Крим, полуостров што Русија го анектираше во 2014 година, каде што се наоѓа нејзината црноморска флота и кој го користи како задна база за својата офанзива во Украина.
Мета на беспилотни летала беше пристаништето Севастопол во декември, електрана на почетокот на октомври и главното седиште на руската црноморска флота во август.
На крајот на октомври, руски бродови во заливот Севастопол беа цел на напад, што ја принуди Русија привремено да го прекине важен договор за извоз на украинско жито.
