Висок претставник на руското Министерство за надворешни работи изјави дека комерцијалните сателити од Соединетите Држави и нивните сојузници би можеле да станат легитимни мети за Русија доколку се вклучени во војната во Украина, јавува Ројтерс.
Костантин Воронцов, читајќи од белешките на Обединетите Нации им порача дека употребата на западни сателити за помош на украинските воени напори е „исклучително опасен тренд“.
– Квазицивилната инфраструктура може да биде легитимна цел за одмазднички удар – изјави Воронцов пред Првиот комитет на Обединетите нации, додавајќи дека употребата на такви сателити од Запад за поддршка на Украина е „провокативна“.
– Зборуваме за вмешаност на компонентите на цивилната вселенска инфраструктура, вклучително и комерцијалната, од страна на САД и нивните сојузници во вооружените конфликти – изјави Воронцов во Обединетите нации, цитиран од агенциите.
Тој не спомна конкретни сателитски компании, иако Илон Маск претходно овој месец рече дека неговата ракетна компанија SpaceX ќе продолжи да ја финансира својата интернет услуга Starlink во Украина, наведувајќи ја потребата од „добри дела“.
Русија, која во 1957 година го лансираше Спутник 1, првиот вештачки сателит, во вселената и во 1961 година го стави првиот човек во вселената, има значителна офанзивна вселенска способност – како и САД и Кина. Во 2021 година, Русија лансираше антисателитска ракета за да уништи еден од сопствените сателити. Но, сега можна е вселенска војна.
