Руските сили ја започнаа првата фаза од вежбите кои вклучуваат „практична обука за подготовка и употреба на нестратегиско нуклеарно оружје“, соопшти во вторникот руското Министерство за одбрана.
Во соопштението се наведува дека вежбите вклучуваат хиперсонични ракети Кинжал опремени со „специјални боеви глави“.
Претходно овој месец, рускиот претседател Владимир Путин се одлучи на овој потег, велејќи дека тоа е одговор на „милитантните изјави“ на западните претставници.
Во вторникот, руското Министерство за одбрана (МО) во порака објавена на руската платформа за социјални медиуми ВКонтакте (ВК) објави дека персоналот на Јужниот воен округ започнал обука и извршување на борбени задачи со „специјална муниција“ за ракетните системи Искандер. , пренесува Newsweek.
Видеото објавено од министерството оттогаш беше споделено повеќе пати на социјалната мрежа Х, а беше споделено и од претприемачот Марио Навул.
На видеото се гледаат воени транспортни возила кои возат до местото каде што се поставуваат проектилите на нешто што изгледа како место за лансирање. Снимката завршува со качување на пилот во пилотската кабина на борбен авион.
Вежбите се одржуваат во јужниот воен округ на Русија долж украинската граница и делови од Украина кои се под контрола на Русија. Белорусија, каде Русија распореди тактичко нуклеарно оружје минатата година, исто така ќе биде вклучена во вежбите, соопштија двете земји.
Тактичкото или нестратешкото нуклеарно оружје е помалку моќно од стратешкото оружје дизајнирано да ги избрише цели непријателски градови, но сепак има огромен деструктивен потенцијал.
