Русија во средата ја предупреди Франција дека руската војска ќе ги смета француските војници како легитимни цели доколку претседателот Емануел Макрон одлучи да ги испрати во Украина.
Макрон во февруари предизвика контроверзии велејќи дека во иднина не може да го исклучи распоредувањето на копнени трупи во Украина. Францускиот лидер предупреди дека кредибилитетот на Европа ќе се сведе на нула доколку Русија победи во Украина, потсети Ројтерс.
„Индикативно е што самиот Макрон ја објаснува оваа реторика со желбата да создаде некаква „стратешка неизвесност“ од Русија“, изјави за новинарите портпаролката на руското Министерство за надворешни работи, Марија Захарова.
Мораме да го разочараме – за нас ситуацијата изгледа повеќе од сигурна“, изјави Захарова.
„Ако Французите се појават во зоната на конфликтот, тие неизбежно ќе станат мета на руските вооружени сили. Ми се чини дека Париз веќе има докази за тоа“.
Захарова додаде дека Русија веќе бележи зголемен број француски државјани меѓу загинатите во Украина.
Русија во понеделникот соопшти дека ќе вежба распоредување на тактичко нуклеарно оружје како дел од воената вежба по „заканите од Франција, Велика Британија и САД“.
