Воен дописник на руската новинска агенција РИА е убиен, а уште тројца руски новинари се ранети во саботата при гранатирање во близина на линијата на фронтот во југоисточниот регион на Украина Запорожје, објави руското Министерство за одбрана.
Министерството соопшти дека новинарите биле ранети во украински артилериски напад. Сите беа евакуирани од бојното поле, но дописникот на РИА Ростислав Зуравлев загина за време на транспортот.
Во соопштението на министерството се наведува и дека Украина користела касетна муниција во нападот, но за тоа нема докази, а Ројтерс не можел да ја потврди информацијата од независни извори.
Украина доби касетни бомби од САД овој месец, но вети дека ќе ги користи само за да ги потисне руските непријателски трупи.
Таквото оружје содржи многу помали експлозивни направи, т.н. ѕвона кои можат да се расфрлаат на многу широк простор.
Касетната муниција е забранета во многу земји поради потенцијалната опасност што ја претставуваат за цивилите.
Украина постојано повторува дека нејзината употреба на касетни бомби ќе биде ограничена на бојното поле.
