Поранешниот пратеник и поранешен градоначалник на Гостивар, професорот Руфи Османи ги демантира политичките партии на Албанците кои го споменуваат како можен кандидат за претседател на Македонија на изборите годинава. „Не сум разговарал и нема да имам никакви дебати со ниту една политичка партија“, вели Османи.
Руфи Османи преку соопштение ги демантира информациите дека ќе се кандидира за претседателската функција на државата на мајските избори.
„Во врска со последните информации за моја наводна кандидатура за претседател на државата, ги демантирам овие информации како целосно неосновани. Не сум разговарал и нема да имам никаква дебата со ниту една политичка партија, ниту од позиција, ниту од опозицијата. Им препорачувам на сите политички партии да го почитуваат етичкиот кодекс на секој поединец пред јавно да ги објават своите позиции. Посакувајќи цивилизирана демократска дебата и натпревар во албанскиот политички табор, барам мојот човечки идентитет да не се споменува во никаква конотација со оглед на политичките избори во мај“ – рече универзитетскиот професор Руфи Османи.
Претходно од Европскиот сојуз за промени беше лиферувана информација дека Руфи Османи е нивен можен кандидат на изборите за претседател на државата.
