Д-р Александра Вуков објаснува колку е опасна ротавирусната инфекција кај децата.
„Ротавирус е РНК вирус, микроскопски и има изглед на тркало, по што го добил името (˝rota˝ значи тркало на латински). Постојат 9 групи на вируси, вирусите од групата А се одговорни за 90% од вирусните инфекции кај луѓето“, објаснува д-р Александра Вуков за порталот N1.
Според докторот, резервоар на инфекција е човекот.
Докторот нагласува дека вирусот е отпорен во надворешната средина, се пренесува преку феко-орален пат, но може да биде и преку директен контакт преку заразени предмети и површини. Се пренесува преку храна, а може да се најде и во контаминирана вода.
Инкубацијата трае 24-72 часа, а болеста обично трае 4-6 дена.
Симптоми на болеста
„Болеста започнува наеднаш, со повраќање, скок на температурата, малаксаност, појава на ретка столица, како и грчеви и болки во стомакот“, вели соговорникот.
Д-р Вуков посочува дека третманот е симптоматски и колку е помало детето толку побрз одговор поради можна дехидрација.
„Поради нагло губење на течности и електролити, може да дојде до дехидрација и хиповолемичен шок, кога е неопходно детето да се лекува во болнички услови“, предупредува докторот.
Совети и препораки
Се препорачува употреба на пробиотици и полесна исхрана. Доените бебиња продолжуваат да дојат.
Лекарот вели дека антибиотиците не помагаат при рота вирусна инфекција.
Мерките за превенција се:
– Хигиена на раце, храна и предмети – го спречува ширењето на инфекцијата
– Доење – го намалува ризикот од добивање инфекција
Вакцинација
Совет за вакцинација можете да добиете од вашиот педијатар, а вакцинацијата треба да се започне што е можно поскоро (во вториот месец од животот) за да се заштити бебето кога е најранливо на оваа инфекција“, заклучува д-р Александра Вуков.
