Португалската суперѕвезда Кристијано Роналдо со старот против Чешка, веќе ги собори своите први два рекорди на ЕУРО 2024 уште во првиот натпревар за репрезентацијата на Португалија на европското фудбалско првенство во Германија.
39-годишниот напаѓач стана единствениот играч во историјата кој учествувал во шест европски првенства. Неговото прво Европско првенство беше во Португалија во 2004 година и оттогаш не пропуштил ниту едно Европско првенство. Зад него се неговиот сонародник Пепе и Хрватот Лука Модриќ за кого ЕП 2024 е петто по ред.
Исто така, за капитенот на Португалија мечот со Чешка е 26 натпревар во завршницата на европските првенства. Со тоа Роналдо го подобри сопствениот рекорд според бројот на одиграни натпревари на ЕП. На второто место повторно е Пепе, за кого ова ќе биде 20 средба на европските завршници.
Во досегашните 25 натпревари, Кристијано Роналдо има постигнато 14 голови, што исто така недостижно оставарување.
