Пејачката Ријана, која неодамна го потврди своето присуство на Мет Гала 2025 година, направи голема промена за новата кампања на својот бренд „Саваж Икс Фенти“ (Savage X Fenty). Наместо досегашните предизвикувачки и разголени изданија во кои позираше во долна облека со кои ги истакнуваше своите раскошни облини, овојпат друштво ѝ прават синовите, двегодишниот РЗА и едногодишниот Рајот.
Мајката и синовите позираат во сосема опуштено издание, а синовите се облечени во ист стил како и познатата пејачка. Тие носат сини тренирки со жолти детали и се боси, а Ријана се појавува и со витлери на главата во истите бои. Секако, тие се само моден детаљ, бидејќи пејачката за оваа пригода има специјално средена фризура и шминка.
Ова видео разнежи многумина нејзини обожаватели, кои ја опсипаа со коментарите: „Само љубов, преслатка сте“, „Нè освои со овој потег“, „Блескаш“, „Мајчинството одлично ти прилега“, „Ми се плаче од среќа кога те гледам волку среќна и успешна“.
Ријана двајцата синови ги доби со раперот АСАП Роки, но тој не се појави во кампањата, иако многумина го и него го очекуваа.
