Ријалити ѕвездата Кортни Кардашијан повторно се омажи за тапанарот Тревис Баркер, а ова е втор од планираните три пати!
Парот ги изненади сите со „пијаната“ свадба во Лас Вегас, по што беше најавен голем спектакл во Италија закажан за ова лето.
Кортни (42) и Тревис (46) отишле во неделата и уште еднаш се венчале во општината во Санта Барбара. Кортни носела бел фустан, а Тревис црн костум. Друштво им правеле нејзината баба и неговиот татко, додека познатите сестри на Кортни – Клои, Ким, Кајли и Кендал не биле на повидок.
Ова е прв брак на Кортни Кардашијан, која има три деца од врската со Скот Дисик, а претходно изјави дека би сакала со Тревис да има најмалку едно дете. Тапанарот Тревис од бракот со Шена Муклер има две деца.
Кортни го започна и процесот на ин витро и неодамна зборуваше за тоа колку е тешко, но не губи надеж дека ќе добие четврто дете.
Кортни неодамна беше во центарот на вниманието бидејќи ја осудуваа дека се здебелила, а таа тогаш рече дека има проблем со хормоните, како и дека се бори со депресија.
– Сите пишуваат дека сум бремена и дека сум се здебелила, а толку е непристојно да ги коментираш луѓето кога не знаеш низ што поминуваат. Поради лековите што ги земам, буквално сум во менопауза. Телото ми згасна. Нерасположена сум и депресивна, не се чувствувам добро – искрено рекла Кортни Кардашијан.
