Годишната инфлација во еврозоната во октомври изнесуваше рекордни 10,7 отсто. Во меѓувреме, БДП во еврозоната и во Европската унија порасна за 0,2 отсто на квартална основа во третиот квартал и за 2,1 отсто и 2,4 отсто на годишна основа, соодветно.
Според првите проценки на европската статистичка служба Еуростат, еврозоната забележа инфлација од 10,7 отсто во октомври во споредба со претходната година, откако во септември таа изнесуваше 9,9 отсто. Тоа продолжи да биде поттикнато првенствено од високите цени на енергијата.
На годишна основа, најголем придонес за инфлацијата имаа цените на енергенсите кои пораснаа за 41,9 отсто. Растот на цените на енергенсите така забрза во однос на септември, кога изнесуваше 40,7%.
Потоа следеа цените на храната, алкохолот и тутунот, кои во октомври пораснаа за 13,1 отсто и со тоа за 1,3 процентни поени повеќе во однос на септември.
Неенергетските индустриски производи поскапеа за шест отсто, што е за 0,5 процентни поени повеќе во однос на септември, а услугите за 4,4 отсто, по растот од 4,3 отсто во септември, објави и Евростат.
Еврозоната и ЕУ во третиот квартал со раст на БДП
Економскиот раст во третиот квартал од оваа година беше 0,2% на квартално ниво и во еврозоната и во ЕУ, покажуваат сезонски приспособените податоци. Споредено со истиот квартал лани, растот во еврозоната е 2,1 отсто, а во ЕУ 2,4 отсто, покажуваат првите податоци на Евростат.
Во вториот квартал од оваа година, растот на БДП во еврозоната беше 0,8%, а во ЕУ 0,7%.
Меѓу земјите за кои беа достапни податоци, Шведска забележа највисок раст на БДП во третиот квартал (+0,7 отсто), потоа Италија (+0,5 отсто), Португалија и Литванија (и двете по 0,4 отсто).
Падот е забележан во Летонија (-1,7 отсто), Австрија и Белгија (и двете од -0,1 отсто).
На годишна основа, сите земји освен Латвија (-0,4 отсто) забележаа економски раст, според Еутостат.
