Речиси третина од деновите во годината жителите на неколку скопски населби живееле со загаден воздух, а податоците не се нешто подобри ни за Струмица која била загадена 133 денови. Ова го покажува месечниот извештај на Министерството за животна средина, пишува Слободен Печат.
Лани скопските населби Гази Баба и Центар имале нечист воздух 119 денови, иако Законот за квалитетот на воздухот предвидува дека тоа не смеат да бидат повеќе од 35 денови. Од децениските мерења, во 2015 година градот Тетово имало само 15 дена чист воздух, односно во тие денови ПМ10 честичките не надминувале 50 микрограми на кубен метар.
