Актерката и комичарка Ребел Вилсон објави дека се свршила со својата девојка Рамона Агрум.
Во првата од двете нејзини фотографии, 42-годишната ѕвезда од „Pitch Perfect“ го покажа импресивниот свршенички прстен што ѝ го подарила на својата партнерка.
Актерката, која неодамна откри дека се чувствувала непријатно додека ја користела апликацијата за запознавање Raya, сподели и фотографија направена набргу откако ѝ го поставила „големото прашање“ на девојката за време на патувањето во Дизниленд.
Ребел потоа изрази благодарност до „Тифани енд ко“ за прстенот и до Боб Игер и тимот на „Дизни венчавката од бајките“ што го направиле нејзиниот предлог уште помагичен.
Актерката сподели и неколку фотографии направени во текот на патувањето во Дизниленд со својата свршеница.
Ребел Вилсон во ноември објави дека го доби своето прво дете, доби ќерка од сурогат-мајка.
Инаку, Ребел претходно беше во врска со наследникот на „Бадвајзер“, Џејкоб Буш.
