Актерот Расел Кроу откри дека не е вклучен во снимањето на продолжението на „Гладијатор“.
Во филмот награден со Оскар од 2000 година, Кроу го играше Максимус, поранешен римски генерал кој стана гладијатор кој сакаше да се одмазди за неговото семејство, кое беше убиено по наредба на императорот Комодус.
Продолжението на „Гладијатор“ ќе се фокусира на Луциус, синот на Максимус од врската со сестрата на императорот Лусила (Кони Нилсен).
Дејството на вториот дел, според Кроу, се случува многу години по смртта на Максимус.
„Сигурен сум дека во одреден момент ќе сакаат да ме прашаат нешто, но никој веќе некое време не спомнува ништо. Тоа е продолжение на приказните, но долго по смртта на Максимус, така што воопшто не сум вклучен“, рекол Кроу, а пренесува NME.
Тој исто така додаде дека мисли дека е паметна идејата филмот да го следи Луциус како млад човек кој се подготвува да ја преземе улогата на император и дека му посакува се најдобро на Пол Мескал, кој ќе го игра тој лик.
Покрај младиот ирски актер чија кариера е во нагорна линија, една од главните улоги во продолжението на „Гладијатор“ треба да ја одигра и Дензел Вашингтон, додека пак Ридли Скот е режијата.
