Раперот и дизајнер Канје Вест (46) одлучил да ги отстрани сите заби и да ги замени со протези од титаниум. Канје на Инстаграм сподели фотографија од новата протеза, па ја спореди со забите на негативецот по име Зубо од филмот за Џејмс Бонд.
Изворите кои ја открија веста за британскиот таблоид „Дејли мејл“ велат дека Канје сам ги дизајнирал протезите и дека се „поскапи од дијамантите“.
Имплантот е нов хируршки модел кој засега го има само Канје, а чини околу 850.000 долари (околу 780.000 евра). Протезата ја вградил д-р Томас Конели од Беверли Хилс, со Наоки Хајаши, главен забен техничар.
– Ни беше задоволство да се работи со Канје. Неговата визија за дизајнирање уникатна уметност оди подалеку од стоматолошката прогресија. Комбинацијата на неговата визија и стоматолошката наука е епска! – изјави Конели за „Дејли мејл“.
