Рамзан Кадиров, лидерот на Чеченците во Русија, „жив го закопал“ својот доктор Елхан Сулејманов, се тврди на каналот „ВЧК-ОГПУ“ на Телеграм. Веста не е потврдена. Каналот раскажува што се случило со докторот кој исчезна откако лани во октомври беше разрешен од фукнцијата вицепремиер на Чеченија иако во медиумите пишуваше дека тој дал доброволна оставка.
Се смета дека Кадиров верувал дека му било лошо од инјекциите кои му ги дал докторот, а неговите следбеници го убедиле дека тој бил отруен.
Германски „Билд“ ја пренесе веста повикувајќи се на каналот на Телеграм каде се тврди дека Сулејманов е брутално убиен.
