Министерот за здравство, Арбен Таравари, за време на прославата за отворањето на реновираните простории во Универзитетскиот институт за радиологија, денеска говореше за идните цели на Министерството за здравство.
– Реновирани се неколку простори, порано паметам дека клиниката беше во катастрофална ситуација. Просториите веќе изгледаат достоинствено – изјави Таравари.
Министерот напомена дека реовирањето е овозможено со инвестиции од 6 милиони денари, од кои 1,7 милиони се од Кина, а и дека ќе има други такви инвестиции во иднина.
Директорката на Универзитетски институт за радиологија, д-р Соња Николова, зборуваше за реорганизацијата во рамките на Институтот и за проблемите со кадарот.
– Моравме да направиме реорганизација, имаме проблем со кадар, има одлив во приватните институции, а некои од лекарите одат во пензија. Но, се работат втори смени и се работи за време на викендите за да се намали чекањето наоди. Имаме уште малку работа за да застанеме на здрави нозе. Но, ова е системски проблем генериран со години. Тука сме за пациентите. Но, не е само да добијат резултати, туку тие треба да бидат и точни, мора да бидат соодветни – изјави Николова.
