Рускиот претседател Владимир Путин денеска изјави дека земјата е подготвена да води преговори со Украина.
– Неколку пати кажав дека Русија не само што е подготвена за преговори, туку во одредена фаза, на самиот почеток на овој конфликт, ги водеше тие преговори. Дури беше подготвен и заеднички прифатлив договор, кој украинската страна го парафираше. Сепак, поради совет даден од надвор, кој подоцна беше потврден од официјалните претставници на Украина, украинската страна го отфрли тој договор – рече Путин на церемонијата на предавање на акредитивните писма на странските амбасадори во Кремљ, пренесува Риа Новости.
Рускиот лидер исто така рече дека Русија е отворена за меѓусебна соработка со сите земји.
– Русија е отворена за заемно корисна соработка со сите земји без исклучок за принципите на еднаквост, немешање во внатрешните работи и строго почитување на меѓународното право – рече тој.
Говорејќи за конфликтот на Блискиот Исток, Путин изјави дека Русија активно се обидува да спречи палестинско-израелскиот конфликт да ескалира во поголема војна.
