Претседателот на Русија Владимир Путин денеска донесе одлука странците кои се борат на руската страна во Украина да можат да добијат руско државјанство за себе и за членовите на нивните семејства.
Луѓето кои го потпишале договорот за време на „специјалната воена операција“ во Украина можат да побараат руски пасош за себе, за својот брачен другар, децата и родителите, се наведува во одлуката.
Ова се однесува на потписниците на договорот со редовните руски вооружени сили и другите „воени формации“, пренесува Ројтерс.
