Неодамна во јавноста протекоа информации дека рускиот претседател поседува силно чувана резиденција на околу 30 километри од Финска, во северозападната руска република Карелија. Иако е објавена официјалната мапа на имотот на моќниот претседател, според која Путин поседува два стана, списокот на неговите имоти е многу подолг. Има и новооткриен имот во близина на Финска, гигантската палата Геленџик, луксузна дрвена куќичка и бункери. Според некои политичари, не може точно да се процени колку недвижен имот поседува Путин, а ниту еден од нив не е на негово име.
Имот во близина на Финска
Според некои медиуми, Путин ја дели оваа прекрасна резиденција со неговата љубовница Алина Кабаева. Имотот има базен и фонтана, посебен подземен влез, хелиодром, марина за јахти, како и стаклена градина во близина на водопад висок 13 метри.
Резиденцијата има три модерни куќи на брегот на заливот Марјалахти, две хелиодроми, неколку пристаништа за јахти, фарма за пастрами и фарма за крави. Во внатрешната декорација се користеле полускапоцени камења.
Локалните жители велат дека Путин го посетува имотот најмалку еднаш годишно. Тие велат дека блиски соработници на рускиот лидер наредиле изградба на тајната резиденција, која започнала пред повеќе од 10 години.
Исто така, имотот е опкружен со бодликава жица, а соседната резиденција е во сопственост на поранешниот сопственик на фудбалскиот клуб Челзи, Роман Абрамович.
Палата на Црното Море
Геленжик е приватната резиденција на Путин, наводно изградена со државни пари.
Оваа вила има соба за наргиле, казино и аква диско, како и подземен комплекс од 16 ката. Подземниот лавиринт вклучува чардак на карпата со поглед на морето и огромна винарска визба.
Опозицискиот политичар Алексеј Навални за прв пат и откри на јавноста како изгледа оваа луксузна резиденција. Тој рече дека имотот чинел најмалку 1,37 милијарди долари и бил платен со „најголемиот поткуп во историјата“.
Тој покажа фотографии од внатрешноста на замокот на кои се прикажани двоглави златни орли, пронајдени во речиси секоја соба. Луксузниот мебел чини неколку илјади евра, а вилата има и базен.
Езерска вила и дрвена куќичка
Според медиумите, Путин сака да поминува време со својата љубовница Алина Кабаев на езерото Валдај. Имотот се наоѓа на околу 400 километри северозападно од Москва. Зафаќа 13.000 метри и е изграден во 2020 година.
Истрагите покажаа дека Путин ја поседува и луксузната дрвена куќичка „Ачипс“, која официјално е во сопственост на нафтената компанија „Гаспром“.
Се наоѓа на територијата на градот Краснодар и содржи голема колекција на скап мебел и украси. Тоа е и зона на забранети летови за неовластени дронови, има сопствен радарски систем за заштита и е достапен за руската тајна служба.
Во „внатрешните документи“ се наведува дека дрвена куќа има 3.800 квадратни метри и бројни спални и заеднички простории со камини. Имотот вклучува хелиодром, двокатен базен и базен од 385 квадратни метри. И покрај фактот што самата колиба има само два ката над земјата, таа има шест лифтови.
Имот „Валдај“.
Резиденцијата поседува велнес центар вреден повеќе милијарди фунти на брегот на езерото Валдај во северна Русија. Тој имот наводно е делумно во сопственост на Кремљ и мултимилијардниот пријател на Путин, Јуриј Ковалчук.
Станува збор за трикатен спа комплекс со салон за убавина. Два ката се скриени под земја, заедно со комора против студ и бања со кал во „собата за релаксација“. Масажи, топли кади и сауни се исто така достапни во бањата. Резиденцијата има и неколку спални соби и дневна соба, заедно со стоматолошка ординација.
Имотот вклучува и неколку куќи за гости, распространети на земјиштето на кое се наоѓа палатата.
Авиони, јахти, автомобили
Според мапата на имотот, Путин поседува три автомобили, но медиумите излегоа со различни податоци. Имено, покрај неколку автомобили, рускиот лидер ја поседува и јахтата „Шехерезада“ вредна 570 милиони евра и долга 460 метри.
Јахтата има шест палуби, девет кабини, две хелиодроми и простор за 40 членови на екипажот, опремена е со базен и спа комплекс, а внатре е обложена со злато, дрво и фини ткаенини.
За разлика од претседателот на Соединетите Американски Држави, кој патува со Боинг 747 познат како „Air Force One“, Путин на располагање има четири руски авиони, чии кабини се украсени со таписерии и златни детали. Секој авион има канцеларија и конференциска маса со кожни седишта.
Бункер
Откако започна инвазијата на Украина, Путин обезбеди неколку бункери во Сибир – еден поврзан со терминалот Сабета на полуостровот Јамал и друг на планините Алтај. Останатите бункери се на непознати локации. Постојат гласини дека тој има бункер длабоко во планинскиот венец Урал во Русија, под планината Јамантау.
„Рускиот претседател има пристап до огромна инфраструктура од нуклеарни бункери и воени објекти кои датираат од Студената војна. Веројатно е дека планините Урал се еден од такви места – а особено овие планини долго време играа стратешка геополитичка улога за Русија.
Се шпекулира дека еден специјален бункер собира до 100.000 луѓе и е дизајниран да владее со Русија во случај на Армагедон.
