Рускиот претседател Владимир Путин го почна својот годишен говор на состанокот на аналитичкиот институт Дебатен клуб Валдаи.
Тој рече дека Западот игра „опасна и валкана игра“ и дека е заслепен од колонијализмот.
– Оние кои ги поставуваат правилата мислат дека другите немаат право на свој единствен пат. Би сакал да потсетам на рускиот предлог до нашите западни партнери. Тој беше турнат настрана. Човештвото има два избора: или ќе продолжиме со проблемите што ги оптоваруваат сите или ќе работиме заедно. Верувам во здравиот разум, секогаш сум за тоа – рече Путин и го повика Западот да работи на заедничка иднина со Русија.
Путин рече дека Западот сака глобална доминација и дека сака да ги контролира глобалните ресурси.
Тој исто така го обвини Западот дека сака да го закочи развојот на другите цивилизации.
Рускиот претседател го обвини Западот дека се обидува да ја „ескалира“ војната.
– Западот направи неколку чекори кон ескалација и тие секогаш се обидуваат да ескалираат. Нема ништо ново таму. Тие ја разгоруваат војната во Украина, организираат политичари околу Тајван, ги дестабилизираат светските пазари за храна и енергија. Што се однесува до последното, тоа не е намерно, јас не се сомневам во тоа. Тоа се должи на големиот број системски грешки направени од западните власти што штотуку ги спомнав – рече Путин.
Путин истакна дека земјите на Западот воведуваат санкции кон секој што не сака да биде под нивната капа.
Тој исто така рече дека Русија едноставно се брани себеси од обидот на Западот за глобална доминација.
Путин, исто така, го обвини Западот дека користи економски санкции против ривалите бидејќи не може ферски да се натпреварува со растечката економска и политичка моќ на Азија.
Тој рече дека Русија не бара хегемонија, туку „го задржува правото да се развива“.
– Нацистите палеа книги. Западните прогресивци ги забрануваат Достоевски и Чајковски. Тоа уништува сѐ што е креативно. Историјата нема да ги поништи големите личности туку оние кои тоа го прават денес. Тие луѓе имаат високо мислење за себе. Никој нема да ги памети за неколку години. Но сите ќе го паметат Достоевски засекогаш – рече Путин.
