Рускиот претседател Владимир Путин годинава испрати новогодишни честитки до неколкумина западни лидери, меѓу кои и унгарскиот премиер Виктор Орбан и словачкиот премиер Роберт Фицо, изјави портпаролот на Кремљ Дмитриј Песков, пренесува ДПА.
Меѓу личностите кои добиле честитки се и поранешниот германски канцелар Герхард Шредер. Иако Фицо официјално не бил на листата, Путин сепак испратил честитка и до него, додаде Песков.
Според Русија, Унгарија и Словачка се воздржуваат од „русофобни“ политики и се силно зависни од рускиот гас. Орбан и Фицо ја посетија Москва по почетокот на руската инвазија на Украина, за разлика од другите западни лидери кои ја изолираа Русија.
Иако Орбан и Фицо ги критикуваат санкциите на ЕУ кон Москва и испораките на оружје за Киев, тие во голема мера ги поддржуваат актуелните политики на Унијата.
