Пред почетокот на второто коло на Светското првенство во ракомет во Полска и Шведска, сите учесници мораа да бидат тестирани поради важечкиот исклучително строг протокол за ковид.
ИХФ соопшти дека двајца играчи се заразени со корона и се испратени во изолација. Овие двајца се единствените позитивни од 1086 тестирани лица. ИХФ не ги објави нивните имиња, но се работи за еден Белгиец и еден Египќанец.
„Тешко е да се избегне инфекција. Во хотелот луѓето се движат без маски, играчите ги донесоа своите семејства. Може да бидат погодени сите репрезентации“, изјави белгискиот селектор Сила.
Во вторникот тоа беше втор од вкупно три тестови што мора да ги направат сите репрезентации на Мундијалот. Играчите беа тестирани пред турнирот и повторно ќе бидат тестирани по второто коло. Ако играчот е позитивен, тој мора да биде изолиран пет дена. Изолацијата се ослободува по петтиот ден со негативен тест.
