Вечерва северниот град Чернихив спиеше мирно за прв пат од почетокот на руската инвазија на Украина на 24 февруари, изјави заменик-градоначалникот за Би-Би-Си.
Олександр Ломако се заблагодари на армијата за нејзината работа, но исто така рече дека Чернихив претрпел страшна штета на инфраструктурата од воздушни напади и ракети.
Локалниот гувернер Вјачеслав Чаус на апликацијата Телеграм потврди дека ноќта била мирна и дека руската армија се повлекува.
Западните и украинските аналитичари веруваат дека повлекувањето на Русите на север е главно дел од акцијата за прегрупирање пред нова инвазија на исток. Русија веќе соопшти дека ќе се фокусира на Донбас.
