Порно-ѕвездата Сторми Даниелс тврди дека добива смртни закани од приврзаниците на поранешниот претседатеел Донал Трамк, кои се засилиле откако на Трамп му се суди дека во пресрет на изборите во 2016 година ѝ исплаќал пари за да молчи за нивната врска.
Во интервју за Фокс ТВ Даниелс рече дека заканите станале уште пострашни, бидејќи Трамп може да се соочи со затворска казна доколку судот на Менхетен го прогласи за виновен.
– Тие суштински чувствуваат дека прават нешто добро. Дека се патриоти. И сега тоа го прават во стил на бомбаш самоубиец. Тие искрено, во длабочината на душата, веруваат дека прават нешто добро – рече Даниелс.
Таа додаде дека и претходно добивала закани поради нејзината работа во порно-индустријата, но заканите драстично се засилиле по веста дека добила 130.000 долари од соработниците на Трамп за да молчи. Даниелс тврди дека имала афера со Трамп, што поранешниот претседател категорично го негираше.
– На почетокот ми велеа дека сум лажливка и други навреди. Порано една од 100 закани беше смртна закана, но сега е една од 10. Сега се некако поконкретни, понасилни и наместо оние „ќе гориш во пеколот“, сега изгледаат многу посериозни и воопшто не се кријат – рече Сторми Даниелс.
На прашањето дали заканите имаа влијание врз нејзиниот секојдневен живот, таа рече дека ја изгубила независноста и дека сега се плаши сама да оди во тоалет, па со неа мора ра одат и нејзините двајца телохранители.
