Изминатиов викенд, 1,2 и 3 ноември, Ист Гејт Мол приреди незаборавна забава по повод својот трет роденден, трансформирајќи го трговскиот центар во диско зона од 80-тите години! Декорација, музика, диско перформанс, танцување, возење на ролшуи во духот на 80-тите години беа само дел од активностите што се случуваа во трговскиот центар.
– Поминавме три фантастични дена, исполнети со многу радост и задоволство кај посетителите. За прв пат во регионот, трговски центар беше трансформиран во диско подиум за дневна и вечерна забава за што неизмерно сме им благодарни на легендите на македонската поп сцена Драган Б. Костиќ и Вера Јанковиќ. За време на роденденскиот викенд, 100.000 посетители го посетија трговскиот центар. Ја користиме оваа прилика да изразиме голема благодарност на сите посетители кои присуствуваа на роденденската забава, на изведувачите кои имаа перформанс, како и на партнерите и соработници кои беа дел од организацијата на овој настан – велат од менаџментот на трговскиот центар.
Прославен третиот роденден со легендите на македонската музика
