Студентот кој застрела 14 лица на Карловиот Универзитет во Прага, претходно убил уште еден човек и двомесечно бебе. Чешката полиција денеска соопшти дека пронашла писмо од убиецот во кое тој признал дека претходно убил 32-годишен маж и двомесечно бебе во шумата Клановице.
-При претресот на неговата куќа, пронајдено е проштално писмо. Тој го напишал пред да го изврши масовното убиство на Универзитетот. Во него признал дека го извршил убиството во шумата Клановице – соопштил портпаролот на полицијата, Јан Данек, пренесуваат чешките медиуми.
Деталите за тоа злосторство не се соопштени, а балистичките тестови утврдиле дека оружјето користено во шумата Клановице е истото кое било пронајдено во куќата на убиецот.
Убиството на маж и неговото двомесечно дете се случило на 15 декември додека тие се шетале во шума во близина на Прага.
Во масовно пукање на Карловиот Универзитет во Прага, 24-годишниот студент Давид Козак уби 14 лица и рани уште 25 пред да се самоубие.
