Остатоци од човечки труп вчера биле пронајдени во стан на улица „Јанко Цветинов“ во Струмица, потврдуваат и од полицијата и од Основното јавно обвинителство Струмица.
Од СВР Струмица информираа дека вчера било пријавено дека во станот бил пронајден човечки труп. Бил извршен увид, а по наредба на јавен обвинител телото било дадено на обдукција.
Од Основното јавно обвинителство потврдија дека биле пронајдени остатоци од човечки труп. Оттаму повеќе информации за идентитетот на лицето и можните причини за смртта најавуваат по завршувањето на обдукцијата.
