Отпад, за кој се верува дека е радиоактивен, е пронајден во вреќи со ѓубре во близина на основно училиште во Хамерсмит, Лондон, што предизвика евакуација на најмалку 12 домаќинства.
Дејли Мејл пришува дека сомнителниот радиоактивен отпад го открил работник во градската чистота.
Специјална единица ја блокирала улицата и ги евакуирала жителите од околните домови предупредувајќи ги да не влегуваат на улицата додека не се смири ситуацијата.
Еден од градските работници за чистење, кој се претставил како Џорџ, рекол дека верува оти во домот, пред кој бил пронајден отпадот, живеела 90-годишна жена која починала, додека, пак, машкиот жител бил сместен во дом за стари лица. Тој додаде дека секоја соба во куќата е преполна со работи кои не биле фрлени со години.
– Однесов еден куп ѓубре на депонија и кога го скенираа, ми рекоа дека не можам да го оставам ѓубрето бидејќи е радиоактивно. Не ни знаев што има внатре, имаше толку многу ѓубре. Не знаев што да правам – рече Џорџ.
Еден од полициските службеници, кој пристигнал на местото на настанот, изјавил дека предметот бил проверен и констатирано е дека е безбеден.
