Променливо облачно и потопло време со сончеви периоди најавуваат метереолозите за денеска. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец, најавуваат од УХМР.
Минималната температура ќе биде од 2 степени во Маврово до 9 степени во Гевгелија. Максималната температура во текот на денот ќе се движи од 10 до 24 степени.
И во Скопје времето ќе биде променливо облачно и потопло со сончеви периоди. Во делови од котлината ќе има услови за појава на краткотраен пороен дожд . Ќе дува слаб до умерен променлив ветер. Температурите во Скопје ќе бидат во интервал од 6 до 22 степени.
