Времето денеска ќе биде променливо облачно и релативно топло. Во јужните делови ќе има услови за слаб локален дожд. Ќе дува слаб до умерен, а наместа, по должина на Повардарието и во источните делови од земјата, повремено засилен ветер од југоисточен правец.
Минималните утрински температури ќе се движат од 3 степени на Попова Шапка до 9 степени во Дојран. Максималните дневни температура ќе биде во интервал од 10 степени – во Попова Шапка, до 18 степени – во Скопје.
Во Скопје времето денеска ќе биде променливо облачно и релативно топло со сончеви периоди. Ќе дува слаб до умерен ветер од јужен правец.
Следните два дена нè очекува променливо облачно време со повремени врнежи од дожд, кои наместа ќе бидат пообилни.
