Франција планира да воведе мерки против „брзата мода“, минливата мода по намалени цени поттикната од увозните производи кои влијаат врз животната средина.
Мерките предвидуваат финансиски казни, забрането огласување и подобра информираност на потрошувачите.
Во предлогот, за кој ќе се гласа во Парламентот на 14 март се посочува дека во цената на тaквата облека треба да се вклучат и еколошките трошоци за прекумерното производство бидејќи се троши многу вода и облеката претставува извор на загадување.
Се предлага максималната казна до 2030 година да биде 10 евра по производ. Веб-страниците кои продаваат „мода за еднократна употреба“ ќе треба јавно да ги објават информациите за влијанието на нивните производи на животната средина.
Мерките беа поттикнати од производството на кинеската компанија „Шеин“, која во просек нуди 7.200 нови модели на облека или 900 пати повеќе производи од традиционалните брендови во Франција.
