Владата им пропорача на продавниците, штандовите и киосците коишто вршат трговија на мало да работат за време на новогодишните и божиќните празници, односно на деновите 31 декември 2023 година и 1 јануари 2024 година, како и 7 јануари и 8 јануари 2024 година.
Оваа препорака е дадена денеска на владината седница со цел, како што соопштија оттаму, да се излезе во пресрет на потребите на граѓаните за време на празниците, посебно во помалите градови и места каде што нема трговски центри (молови).
Исто така, како што е образложено, за време на новогодишните и божиќните празници е зголемена посетеноста од страна на туристи низ целата држава, поради што има и потреба да се овозможи да пазаруваат, а со што ќе допринесат во растот на потрошувачката во државата.
