Ливерпул уште три месеци нема да може да смета на колумбискиот фудбалер Луис Дијаз, кој ќе мора да оди на операција на коленото.
На почетокот на октомври, на мечот против Арсенал, 25-годишниот напаѓач ги повреди лигаментите на коленото, кој постигна три гола за првиот тим во сезоната и еден против Наполи во Лигата на шампионите.
Во Ливерпул се надеваа дека Дијаз ќе биде целосно подготвен за настап кога ќе продолжи првенството, по завршувањето на Светското првенство, но ситуацијата на Дијаз му се искомплицира во тренинг кампот.
„На тренингот се случи многу обична ситуација. Никој не мислеше дека е нешто сериозно. Сепак, Дијаз почувствува нешто, направивме тестови и на крајот беше откриено дека е неопходна операција. Ова е голем удар за нас“, изјави Јирген Клоп, тренерот на Ливерпул кој е на шестото место на табелата во Премиер лигата.
Ливерпул има дури 15 бода помалку од водечкиот Арсенал и десет помалку од Манчестер Сити кој е на второто место.
