Потресно сведоштво на родилка која се породила на гинеколошко-акушерското одделение во општата болница во Сремска Митровица и го изгубила бебето поради грешка на докторот, ја разбранува јавноста.
Денеска во Сремска Митровица се одржа и протест против насилството на гинеколозите и акушерите, а несреќните родители наместо транспарент, ја носеа посмртницата на своето дете.
Марица Михајловиќ, мајка на починатото бебе сведочи дека докторот кој ја пораѓал бил насилен и ја навредувал и наместо да ја породи со царски рез, како што било договорено, одлучил породувањето да биде природно, но настанале сериозни компликации. Таа изгубила свест, а бебето се породило без пулс.
-Кога дојдов при себе, ги имаше премногу околу мене. Имаше 7-8 бабици и таму беше оној доктор. Околу 10.30 часот ме остави сама и отиде да пораѓа друга жена. Меѓутоа, кога виде дека не можам да се породам, се врати кај мене и ми даде анестезија. Ме пресече едноставно за да можат насилно да го извадат бебето. Бебето било над 4 килограми, значи никако не можело да се роди по природен пат. Медицинските сестри го молеа да ме породи со царски рез, но тој не сакаше, не знам зошто – сведочи мајката.
Работата да биде уште полоша, како што тврди, докторот цело време ја навредувал.
– Ми кажа дека ќе ми ја скрши главата, ќе ми ги извади забите, дека ќе имам два черепи. Кога изгубив свест, бебето беше заглавено во мојата карлица. Срцето застана, имаше оштетување на мозокот. Се роди без пулс, успеаа малку да ја вратат во живот, ја однесоа во Нови Сад, од каде ме известија дека бебето починало следниот ден. Точната причина за смртта е насилното породување. Акушерките го молеа, едната му рече – ја навредуваш во овој момент. Ме удри и ми ја стисна вилицата – вели Марица
Родителите ги чекаат резултатите од обдукцијата за да се дознае точната причина за смртта на нивната ќерка.
Во меѓувреме е приведен М.М.(45), лекар во Општата болница во Сремска Митровица, поради постоење основи на сомнение дека сторил кривично дело тешки кривични дела против здравјето на луѓето. Полицијата соопшти дека на М.М ќе му биде одреден притвор до 48 часа, по што со кривична пријава ќе биде изведен во обвинителството.
Случајот на Марица ги охрабри и други жени жртви на акушерско насилство да проговорат. За жал, постојат и други случаи од истата болница кои завршиле со смрт на новороденчето, а ги пораѓал истиот доктор.
-Јас сум уште една мајка која преживеа слична ситуација како Марица Михајловиќ. Ме породи истиот лекар, во истата болница, на 25 октомври 2022 година. Бебето се роди со вакуум во 21 век. Лекарот принуди природно породување, кое не можеше да се изврши по природен пат, бидејќи повеќе од 40 минути ми скокаше на стомак, од едната страна од него, од другата страна на акушерката. Се породив на 15.02. Бебето е родено без чукање на срцето. Така, бебето не се родило живо – изјави Јелена Ивковиќ која доживеала слична судбина.
Српската министерката за здравство, Даница Грујичиќ, изрази загриженост за овој случај и најави темелна истрага. Од Општата болница во Сремска Митровица е добиено соопштение дека се врши внатрешен надзор, а за резултатите јавноста ќе биде информирана. Родителите планираат да поднесат тужба против болницата и лекарот.
