Притвор од 30 дена е доделен на полициски службеник од Демир Капија осомничен за родосквернавење врз сопствениот син, информираа денеска од Основен суд Кавадарци.
– Постапувајќи по предлогот на ОЈО Кавадарци за постоење основано сомнение за сторено кривично дело родосквернавење врз сопствениот син кога бил на возраст од 17 години по чл. 194 ст. 1 од КЗ, а во согласност со чл. 165 ст. 1 т. 3 вв чл. 168 од ЗКП и чл. 162 вв чл. 69 ст. 4 од ЗКП. Судијата на претходна постапка Лидија Ридова денеска донесе решение за определување мерка притвор во траење од 30 дена спрема лицето З.П. полициски службеник од Демир Капија на возраст од 50 години – соопштија од Судот.
