Принцот Хари и неговата сопруга Меган Маркл се поканети на крунисувањето на неговиот татко, кралот Чарлс Трети, но засега одбиваат да кажат дали ќе присуствуваат, пишува „Дејли мејл“.
Војводата од Сасекс, кој го критикуваше британското кралско семејство во последните месеци, потврди дека добил е-пошта од неговиот татко.
Крунисувањето, кое ќе го гледаат милиони луѓе во Велика Британија, како и голема глобална публика, е закажано за 6 мај, истиот ден кога синот на Хари, Арчи, ќе го прослави четвртиот роденден.
Веста доаѓа неколку дена откако Чарлс ги избрка синот и снаата од нивниот британски дом Фрогмор Котиџ, што би можело да ги искомплицира идните посети на Британија на Хари, кој моментално живее во Калифорнија.
Фрогмор Котиџ се наоѓа на имотот Виндзор.
„Дејли мејл“ наведува и дека има индиции дека кралот ќе му понуди на Хари, тој и Меган да останат во апартманот на принцот Ендру во Бакингемската палата.
